Konflikti për gazin që ka kundërvënë Rusinë me Ukrainën mund të shkaktojë çrregullime në lëvrimin e gazit për Evropën, paralajmëroi sot qeveria ruse në një komunikatë.
"Nuk mund të përjashtohet që qëndrimi aktual i palës ukrainase mund të cenojë kalimin transit të gazit në territorin ukrainas dhe të shkaktojë çrregullime në stabilitetin e lëvrimeve të gazit në Evropë", deklaroi zëvendëskryeministri Viktor Zoubkov, në këtë tekst.
Gjigandi rus Gazprom kërkon nga Ukraina pagimin e faturave të gazit të vjeshtës dhe të fillimit të dimrit, në mungesë të të cilës kompania do të refuzojë të nënshkruajë një kontratë të re livrimi për 2009-n. Pjesa më e madhe e gazit rus, me destinacion Evropën, kalon transit përmes territorit ukrainas
