PDSH sot në konferencë shtypi kërkoi zgjidhje të çështjeve të hapura dhe integrim të përshpejtuar euratlantik dhe paralajmëroi për destabilizim të mundshëm në rajon, për të cilin shkak, siç u paralajmërua, kryetari i partisë do të shkojë për vizitë në Kosovë dhe Shqipëri.

"PDSH një kohë të gjatë paralajmëron se bllokimi i proceseve euroatlantike dhe degradimi i Marrëveshjes së Ohrit nga ana e kryeministrit Nikolla Gruevski dhe liderit të BDI-së Ali Ahmeti mund të sjellë deri tek pasojat e paparashikueshme. Në tendecën e Qeverisë dhe të një pjese të mediave të Maqedonisë që shqiptarët t'i shpallin fajtorë për destabilizimin e mundshëm, shqiptarët duhet të përgjigjen me refuzim dhe distancim", tha Imer Aliu, koordinator i grupit të deputetëve të PDSH-së.

Sipas PDSH-së, e cila e bojkoton punën e Kuvendit, me politikën të cilën e udhëheqin VMRO-DPMNE dhe BDI rrezikohet destabilizim më i gjerë në rajon dhe pikërisht për këtë, kryetari i PDSH-së, Menduh Thaçi do të shkojë për vizitë në Kosovë dhe Shqipëri. Të dielën në Kosovë do të takohet me Ramush Haradinaj, ndërsa të nesërmen me kryeministrin shqiptar Sali Berisha. Temë e bisedimeve do të jetë situata aktuale politike në Maqedoni dhe rajon, paralajmëruan nga PDSH-ja.