Sipas, gazetës, edhe pse Babagjyshi në 50 vitet e fundit "rregullisht u shpërndante paketa fëmijëve për Vitin e Ri", këtë vit ai nuk do të shfaqet kryesisht në kopshtet shtetërore myslimane në Sarajevë.

Babagjyshin e ndaloi drejtoresha e ndërmarrjes për udhëheqjen me institucione parashkollore "Fëmijët e Sarajevës", Arzija Mahmutoviq, me sqarimet se ai "nuk ka kurrfarë roli në traditën boshnjake".

Sipas "Obzerver", shumë banorë të Sarajevës megjithatë nuk pajtohen me ndalimin e Babagjyshit, të cilin nuk e shohin si simbol fetar.

Gazeta londineze thekson se kundërshtarët e ndalimit, vendimin e Mahmutoviqit e llogarisin si "shprehje ekstreme të politikës për ndarrjen në baza etnike dhe fetare dhe për politizimin e arsimimit".

Ndalimi i Babagjyshit është kulminacioni i përpjekjeve të pasuksesshme shumëvjeçare të nacionalistëve islamik ta përjashtojnë nga historia e Bosnjës, pasi ish lideri boshnjak Alija Izetbegoviq në kohën e tij e karakaterizoi si "fabrikim komunist", thekson "Obzerver".