Blerand Rexhepi

Ish-banorja e “Big Brother Albania”, kosovarja Lirita Halili ka filluar të bëj punën e gazetares. Vitin e kaluar ka mbaruar studimet kurse tani ka filluar një punë të re.

“Ka gati tre muaj që jam duke punuar si gazetare në një të përditshme kosovare. Për momentin më pëlqen shumë kjo punë, pasi jam duke shkruar për rastet sociale, për sigurinë në vend dhe gjëra të ngjajshme. Nuk kam dashur që të jem pjesë e shtypit rrozë, pasi dëshiroj të trajtoj problemet e qyetatarëve të mi”, thekson Lirita.

Që nga dalja nga spektakli “Big brother” ajo nuk kishte pranuar ndonjë ofertë serioze që do i kishte ndryshuar mënyrën e jetesës, edhe pse ka pasur ca të tilla, të cilat akoma nuk i kishte shqyrtuar si duhet, dhe më në fund ka vendosur të bëj rolin e gazetares.

Sa u përket planeve tjera, ish-banorja mendon që në një të ardhme të afërt të fillojë dhe studimet master, por akoma nuk ka vendosur se në çfarë drejtimi do të fokusohet.