Në bazë të numrit të votave të publikut, në “VIP Shpija e Kosovës” janë shpallur fitues Thuprat (Stupcat- Vedati, Osmani, Mensuri) dhe Bertan Asllani.

Dymbëdhjetë artistë nga Kosova, Shqipëria dhe Maqedonia për një muaj janë mbyllë në “VIP Shpija e Kosovës”, shpërblimi për fituesin e së cilës garë ka qenë 50 mijë euro, të cilat do të dhurohen për ndërtimin e një shtëpie për familjen Ademi nga Kopiliqi i Ulët i komunës së Skenderajt.

Në finalen e madhe u gjenden Thuprat, Rozana Radi, Bertan Asllani dhe Fatos Kryeziu, të cilët morën më së shumti vota nga publiku. Në finale u shpallën dy fitues pasi që patën vota të njëjta, Thuprat dhe Bertan Asllani.