Vlera e euros mbrëmë vonë në Bursën në Nju-Jork, për herë të parë pas më shumë se një viti, ka rënë nën 1,3 dollarë amerikanë, si pasojë e krizës debitore në Evropë dhe për shkak të frikës nga bartja e skenarit grek edhe në vende të tjera të eurozonës.

Mbrëmë, në Nju-Jork një euro ndërrohej për 1,2994 dollarë për dallim nga 1,3187 dollarë, sa kushtonte të hënën në mbrëmje.

Herën e fundit vlera e valutës evropiane ishte nën 1,3 dollarë amerikanë më 28 prill të vitit 2009./mia/

Ekspertër vlerësojnë se rënia e këtillë e vazhdueshme e vlerës së euros javëve të fundit, para se gjithash ka të bëjë me krizën financiare në Greqi, por edhe në druajtjet se në gjendje të ngjashme do të mund të jenë edhe disa vende të tjera-anëtare të eurozonës, të cilat përballen me borxhe të mëdha, siç është Spanja.