Pas pesë orë debati në gjykatë, kryeministri italian Silvio Berlusconi dhe ish-gruaja e tij, Veronica Lario, janë afër marrëveshjes së divorcit, veçanërisht në aspektin ekonomik.

Nga ora 16 deri në 21 të shtunën, Berlusconi dhe Veronica Lario, para gjykatëses Gloria Servetti, kanë diskutuar për ndarjen e pasurisë dhe avokatët e tyre kanë shprehur kënaqësinë për marrëveshjen e arritur deri tani.

Veronica Lario ka kërkuar më parë kompensim prej 3.5 milionë euro në muaj, përkatësisht 43 milionë euro në vit, ndërsa Silvio Berlusconi ishte i gatshëm t’i jepte 10 herë më pak, përkatësisht 300 mijë euro në muaj. Por, duket se tashmë janë pajtuar për shumën, edhe pse nuk flitet për të.

Një prej çështjeve, e cila duhet të zgjidhet është vila Macherio, në vlerë prej 78 milionë euro, ku jeton Veronica Lario me tre fëmijët e Berlusconit, Barbara (25), Eleonora (23) dhe Luigi (21). Berlusconi e dëshiron për vete këtë vilë, në të cilën do të shpërngulej nga ajo në Arcoreu, ndërsa Veronices i ka ofruar vilën Belveder./koha.net/