Përfundimisht edhe në Komunën e Haraçinës u bë vendosja e shenjave të komunikacionit, problem që tangonte vozitësit e kësaj Komune me vite të tëra.

“Regjimi i trafikut në Komunën e Haraçinës, në shumicën e rasteve nuk respektohej nga vozitësit për shkak mungesës së shenjave të komunikacionit.

Rrëmuja më e madhe paraqitej në rrugët në pjesën qendrore të Komunës për shkak të parkimit të veturave në vende ku është ndalur parkimi dhe për shkak të rrugëve të ngushta. Tani me vendosjen e shenjave do të jetë më lehtë për vozitësit, kuptohet nëse ju përmbahen rregullave të komunikacionit.

Tani pjesëmarrësit në komunikacion janë te obliguar tu përmbahen kufizimeve, ndalimeve si dhe obligimeve të shfaqura me anën e vendosjes të shenjave të komunikacionit”, theksoi Kryetari i Komunës së Haraçinës z. Bastri Bajrami.