Trajneri i Milanit, Leonardo ka konfirmuar ndarjen me Milanin. “Kontrata ime me Milanin është shkëputur. Vendimin e kemi marrë së bashku dhe të dyja palët kemi vlerësuar se ky është momenti më i mirë për të ndërprerë bashkëpunimin”, ka thënë Leonardo.

Ndërkaq, zëvendëspresidenti i Milanit, Adriano Galiani, ka shprehur keqardhje për ndërprerjen e bashkëpunimit me trajnerin brazilian. “Natyrisht që vendimin e kemi marrë së bashku.

Leonardo është njeriu ynë dhe ishte e natyrshme të ndahemi në mënyrë miqësore. Më vjen shumë keq që ndodhi kjo, por futbolli është i tillë”, ka pohuar Galiani.

Për herë të fundit në bankinën e Milanit, Leonardo do të ulet në ndeshjen e së dielës përballë Juventusit. Leonardo mori drejtimin e Milanit në verën e kaluar pas largimit të Karlo Ançelotit.