Drejtoria për mbrojtje dhe shpëtim në bashkëpunim me Ministrinë e Punëve të Brendshme sot në mëngjes rreth orës 4 ka interevenuar në rrethinën e Kumanovës ku u derdh lumi Pçinja dhe tetë persona në katër objekte mbetën të bllokuar.

"Njësitet për përgjigje të shpejtë për shpëtim nga përmbytjet të Drejtorisë për mbrojtje dhe shpëtim nga Shkupi dhe Kumanova u përpoqën me barkë t'i nxjerrin personat, por për shkak të mosqasjes nga drunjtë e rënë nuk kanë pasur mundësi të afrohen mjaft deri te objektet e rrezikuara.

Për këtë arsye është angazhuar helikopter i Ministrisë së Punëve të Brendshme i cili arriti t'i nxjerrë tre personat e tjerë. Pesë persona arritën vetë t'i braktisin objektet", njoftoi Drejtoria për mbrojtje dhe shpëtim.

Personat të cilët janë nxjerrë me helikopter menjëherë janë dërguar në Qendrën mjekësore në Kumanovë, ku u është dhënë ndihma e nevojshme mjekësore