Tuneli jugor i Thirrës, në Kalimash, pjesë e autostradës Durrës-Kukës-Morinë, do të jetë gati të premten më 21 maj, bënë të ditur burime zyrtare të Ministrisë së Punëve Publike dhe Transportit.

Sipas tyre, tuneli jugor ka përfunduar së betonuari pa shembjes, janë hequr tërësisht armaturat, ka përfunduar asfaltimi, ndërsa drejt përfundimit është procesi i instalimit të energjisë elektrike dhe aparaturave të ndryshme, si kamera etj, ndërkohë që do të vijojë puna për përfundimin e punimeve në kahun verior të tunelit.

Gjatë kohës kur tuneli ishte hapur qarkulluan deri në 16 mijë makina në ditë sipas shifrave zyrtare. Në këtë rrugë ekspertët thonë se mund të qarkullojnë mbi 20 mijë makina në ditë, sidomos në periudhën e verës.