Deri më tani në këtë vit 188 persona me pasaportë të Maqedonisë kanë kërkuar azil në Suedi. Sipas të dhënave të Entit suedez të migrimit bëhet fjalë për rritje evidente të numrit të personave nga Maqedonia, të cilët kërkojnë azil në këtë vend nordik.

Gjatë gjithë vitit 2009 gjithsej 86 shtetas të Maqedonisë kanë parashtruar kërkesë që t'u miratohet statusi i azilantit në Suedi, njofton korrespondenti i MIA-s nga Geteborgu.

Trendi i rritjes rapide të azilantëve me pasaportë të Maqedonisë, i cili pak a shumë ishte i pritur pas hyrjes në fuqi të liberalizimit të vizave me vendet-anëtare të BE-së nga 1 janari, rezultoi me më shumë se dyfish rritje të kërkesave të azilantëve në Suedi, të cilat i parashtrojnë shtetas të Republikës së Maqedonisë.

Paradokohe enti suedez i migrimit për herë të dytë këtë vit i korrigjoi parashikmet për numrin e personave nga vende të ndryshme që pritet këtë vit të kërkojnë azil në Suedi.

Rritja e pritur më shumë ka të bëjë me rritjen e numrit të personave nga Kosova dhe nga Serbia që kërkojnë azil në Suedi. Ndryshe, 468 shtetas të Kosovës dhe 1778 shtetas të Serbisë këtë vit kanë kërkuar azil në Suedi. /mia/