Varsja e katër shqiptarëve në afërsi të Radushës duhet të hetohet pasi ata ishin vrarë në rrethana shumë të dyshimta.

Shoqata për mbrojtjen dhe afirmimin e identitetit kombëtar “Ilyricum Liberta” nëpërmjet një komunikate për media, ka kërkuar nga prokurori publik Lupço Shvërgovski inicim të procedurës hetimore për vrasjen e katër shqiptarëve, me qëllim që e vërteta të dalë në shesh, të fitojë drejtësia si dhe rastet e këtilla tragjike të mos përsëriten kurrë më.

“Duke i marrë parasysh rrethanat shumë të dyshimta të vrasjes në pritë të katër qytetarëve shqiptarë në Radushë, më 12 maj nga ana e policisë maqedonase, si dhe duke pasur parasysh se një nga të ekzekutuarit ishte politikan i njohur në vend, i bën apel publik Prokurorit publik të këtij vendi z. Lupço Shvërgovski, që në pajtim me detyrimet ligjore të inicojë procedurë hetimore në lidhje me rastin në fjalë si dhe të zbardhë plotësisht ngjarjen e rëndë që ndodhi më 12 maj”, thuhet në komunikatën e “Ilyricum Libertas”.

Hetim për vrasjen e katër shqiptarëve ka kërkuar edhe PDSH-ja e Menduh Thaçit. Nga kjo parti këruan nga faktori ndërkombëtar që të bëj hetim të pavarur, pasi vrasjen e shqiptarëve e kanë vlerësuar si ekzekutim klasik.