Dëshirë për pozita menaxhuese dhe administrative, profesione teknike dhe prodhuese, trgeti dhe shitje kanë 66 për qind nga 7.738 maturantëve të Maqedonisë të testuar në hulumtimin e Shkollës së lartë për gazetari dhe për marrëdhënie me opinionin dhe Biznes akademinë "Smilevski".

Në bashkëpunim me Ministrinë e Arsimit dhe Shkencës ata gjatë dy muajve të kaluar e realizuan projektin "Matrica e suksesit të pritur në karrierë" për orientimin profesional të maturantëve. Maturantët nga i gjithë shteti vullnetarisht u testuan që të zbulohen aftësitë dhe afinitetet e tyre dhe të gjithë kanë marrë matricë me profesione të cilat janë më përkatëse sipas tipit të tyre të personalitetit.

Profesione të cilat i përgjigjen tipit të personalitetit tek shumica e maturantëve të testuar janë profesionet për menaxhim në biznese të vogla, shërbimet qeveritare, policia, bankat, tregtia, shitja, ndërtimtaria dhe arsimi për lëndë teknike dhe ekonomike.

Rezultatet e hulumtimit tregojnë se vetëm katër për qind e maturantëve të testuar kanë afinitete për profesione lidhur me kujdesin dhe ndihmën e njerëzve, profesione në të cilat zhvillimi emocional, intelektual dhe shpirtëror i njerëzve është aktviteti primar dhe profesione të cilat kërkojnë shprehje kreative dhe artistike. Në këto profesione bien arsimi, shëndetësia, puna sociale, psikologjia, këshillimi, gazetaria, religjioni dhe arti.

Tek shumica e maturantëve të testuar aftësi më pak e zhvilluar është linguistika, gjegjësisht aftësia për shfrytëzim efektiv të gjuhës për shprehje, për shprehje gojore dhe me shkrim.

7.738 personat e testuar janë 36,7 për qind nga numri i përgjithshëm i maturantëve (21.051) nga 78 shkolla të mesme shtetërore dhe private. Në projekt janë përfshirë 138 pedagogë, psikologë, këshilltarë për karrierë dhe sociologë të cilët e kanë organizuar dhe koordinuar testimin në shkollat në të cilat punojnë.