Dy autobusë me targa të Ohrit, të cilët po bartnin nxënës nga Struga për në eksurzion në Shqipëri, mbrëmë janë përplasur, me rast janë lënduar pesë persona, në mesin e të cilëve edhe tre nxënës.

Policia shqiptare njoftoi se lëndime më të rënda ka marrë arsimtari Bekim Dauti, i cili është dërguar në spitalin ushtarak në Tiranë. Të lënduar janë edhe shoferi Clirim Dervishi dhe 3 nxënës, të cilët gjithashtu ndodhen në spitalin ushtarak në Tiranë.

Dy autobusët janë përplasur në rrugën magjistrale Vlorë- Fushë Krujë. Nxënësit e tjerë që ndodheshin në autobusë janë kthyer në Maqedoni.