Siç u theksuar në seancën e sotme të Komisionit kuvendor ligjdhënës-juridik, vendoset procedurë e re, sipas së cilës personi i cili kërkon amnisti, lutjen e dorëzon përmes Drejtorisë së institucionit ndëshkues përmirësues, i cili në afat prej tetë ditëve e dërgon deri te gjykata adekuate. Ajo duhet menjëherë ta marrë në punë dhe në afat prej 30 ditëve ta dërgojë deri te Ministria e Drejtësisë, e cila në afat të njëjtë duhet të parashtrojë propozim deri te Komisioni për amnisti, i formuar nga presidenti i shtetit. Në procedurë përmbahen edhe më shumë kritere për natyrën, llojin dhe rëndësinë e veprës së kryer, profilin e personalitetit, shkallën e risocializimit dhe ndikimin ndaj mjedisit prej ku e ka prejardhjen i dënuari.

Propozohet edhe fshirje e së drejtës së presidentit të amnistojë pa realizimin e procedurës së shkruar, kur ajo është në interes të shtetit ose në kushte të rrethanave të posaçme.

Ministri i Drejtësisë, Mihajllo Manevski, vlerëson se nuk zvogëlohen të drejtat e presidentit me fshirjen e kësaj dispozite, e cila është, siç thotë, e pasaktë dhe nuk i definon këto interesa dhe rrethana të posaçme.

Risi në ndryshimet e këtij ligji, është se amnisti do të mund të kërkojnë edhe shtetasit e Maqedonisë të cilët janë dënuar nga gjykata ndërkombëtare ose shtet tjetër, ndërsa dënimin me burg e vuajnë në Maqedoni.