IFA do të analizojë sjelljen e fansave serb gjet ndeshjes kontrolluese mes përfaqësueses së Serbisë dhe Zelandës së Re e cila u zhvillua në Klagenfurt. Sipas gazetës austriake "Esterajh", Serbia duhet të përballet me një dënim të rëndë dhe kësaj i kanoset edhe largimi nga Kampionati botëror „Afrika e Jugut 2010“.

„Ato ishin skena që askush në Kupën e Botës në Afrikën e Jugut nuk dëshiron ti shohë. Huliganët serb me veprimet e tyre gjatë humbjes së përfaqësueses së tyre në Klagenfurt shkaktuan një tmerr“, shkruan gazeta austriake, duke shtuar se ata fillimisht filluan të hedhin fishekzjarrë, shishe uiski dhe gjë sende të ndryshme.
Sipas gazetës "Esterajh“, FIFA do të hetojë këto incidente, dhe në rastin më të keq, Serbisë i kanoset edhe largimi nga Kupa e Botës.

Gazeta e Vjenës transmeton edhe deklaratën e trajnerit serb Radomir Antiç, i cili ka thënë se bëhet fjalë për veprime të një grupi të vogël. Ai ka thënë se atij i vinte keq për tifozët e tjerë.

Sipas "Esterajh" nga krahinën austriake Tirol, frikohen se edhe në ndeshjen e dytë e cila do të zhvillohet më 2 qershor në Kushtajn me Poloninë mund të ketë incidente të ngjashme./alsat-m/