Opservatori sizmologjike në Fakultetin matematiko-natyror informoi se epiqendra e tërmetit ka qenë 60 kilometra në perëndim të Shkupit, pjesën qendrore të Gostvarit. Magnituda lokale e tërmetit ishte 5 ballë sipas shkallës së Rihterit.

Tërmeti në Gostivar dhe në rrethinë ka qenë me intensitet prej 6 deri 7 ballë sipas shkallës evropiane makrosizmike, kurse në pjesën perendimore të Maqedonisë me intensitet prej 4 deri 6 ballë. Në Shkup intensiteti i tëmetit ishte 5 ballë, kurse në vendet e banuara të Maqedonisë qendrore dhe lindore prej 3 deri në 4 ballë.

Tërmeti siç informoi korrespondenti i MIA-s nga Gostivari, ka shkaktuar shqetësim te banorët lokalë, por nuk ka informata për dëme eventuale apo lëndime.

Nga dridhja, e cila ka zgjatur rreth dhjetë sekonda, në rajonin e Gostivarit nuk janë regjistuar ndërprerje të komunikacionit apo furnizimit me energji elektrike.

"Në qendrën tonë nuk ka paraqitje të dëmëve në objekte dhe infrastrukturë, deklaroi Deso Mateski, udhëheqës i Qendrës rajonale për udhëheqje me kriza-Gostivar. Është për tu përmendur se më shumë se gjysmë ore rrjeti i telefonisë celulare ishte i mbingarkuar dhe nuk mund të vendoseshin kontakte të rregullta.

Tërmeti shkaktoi shqetësim dhe te popullata në Dibër. Banorët në ndërtesat më të larta i kanë braktisur shtëpite e tyre dhe për një kohë qëndruan jashtë.