Europa patjetër duhet të marrë masa vendimtare për t'i rishikuar rregullat për menaxhimin me eurozonën, njoftoi Fondi Monetar Ndërkombëtar (FMN).

"Korniza fiskale e eurozonës duhet të forcohet në mënyrë të konsiderueshme me qëllim që të krijohet një bashkim monetar efikas", thuhet në kumtesën e mbrëmshme të FMN-s.

Fondi i bën thirrje eurozonës të zbatojë "reforma rrënjësore" dhe "ta përfundojë projektin e unionit monetar" dhe theksoi se autoritetet e eurozonës duhet që qeverive t'ua kufizojnë mundësitë për tatim dhe harxhim.

"Kriza aktuale në eurozonë është pasojë e politikës afatshkurtër fiskale të disa vendeve, të anulimeve të ndryshimeve të domosdoshme të sistemit financiar, të përparimit të pamjaftueshëm në vënien e disiplinës dhe fleksibilitetit të duhur për funksionimin e duhur të unionit monetar, si dhe në menaxhimin e keq të eurozonës", citohet në njoftim.

FMN-ja paralajmëroi se shteteve-anëtare të BE-së i paraprin zvoglim politik "i dhimbshëm dhe i vështirë" të harxhimit publik. Fondi shtoi se "konsolidimi fiskal është i pashmangshëm" dhe se "duhet patjetër të fillojë në të gjitha vendet brenda vitit 2011".

"Reformat kryesore duhet të përfshijnë reformimin e tregjeve të punës, sistemin për ndihmë sociale dhe liberalizimin e sektorit të shërbimit. Masat e tjera duhet të përfshijnë pagimin e tatimit, pengesat dhe kufizimit tregtarë në pronësinë e huaj dhe investimet", theksoi FMN-ja.