E mërkurë, 21.11.2018
Impresum - Marketing - Arkiva - Kontakt

Yll Press

Në një deklaratë për agjencinë e lajmeve AA, Ambasadori i Republikës së Turqisë në Maqedoni Ëmyr Shëlendil (Ömür Şölendil) vlerësoi marrëdhëniet politike dhe ekonomike mes Turqisë dhe Maqedonisë.
Turqia mbështet anëtarësimin e Maqedonisë në NATO
Ambasadori i Republikës së Turqisë në Maqedoni, Ëmyr Shëlendil (Ömür Şölendil) ka deklaruar se Turqia mbështet integrimet euro-atlantike të vendit.

Në një deklaratë për agjencinë e lajmeve Anadolu Agency, Ambasadori i Republikës së Turqisë në Maqedoni Ëmyr Shëlendil (Ömür Şölendil) vlerësoi marrëdhëniet politike dhe ekonomike mes Turqisë dhe Maqedonisë.

Sipas tij mes dy vendeve ka një lidhje që vjen nga historia dhe theksoi se Turqia është vendi i parë që ka njohur këtë vend me emrin kushtetues "Republika e Maqedonisë".

Shëlendil tha se marrëdhëniet me dy vendeve janë shumë të mira dhe se ato vazhdojnë të ndihmojnë njëra tjetrën në çdo fushë, veçanërisht në atë ndërkombëtare. Shëlendil l tha gjithashtu se ndodhet prej 5 muajsh në këtë vend dhe se veten e ndjen si në shtëpinë e tij.

Turqia mbështet anëtarësimin e Maqedonisë në NATO

omur solendilShëlendil shpjegoi se gjatë kohës kur ai ka qenë më detyrë në këtë post shumë zyrtarë të Turqisë si, Kryeministri i Turqisë, Ahmet Davutollu, Kryetari i Parlamentit të Turqisë, Xhemil Çiçek dhe shumë të tjerë kanë vizituar këtë vend dhe se shpreson që vizita të këtij niveli të vazhdojnë edhe në të ardhmen.

Në lidhje me gjendjen politike në vend ai u shpreh: “Ajo që Turqia dëshiron për Maqedoninë është qetësia dhe stabiliteti politik”.

Në një shtet demokratik mendimet e kundërta duhet të jenë të pranueshme tha Shëlendil, por theksoi se këto mendime të ndryshme duhet të jenë brenda kornizave të demokracisë. Të gjitha problemet duhet të zgjidhen me pëlqimin e popullit të Maqedonisë, demokracinë parlamentare dhe në kuadër të parimit të mbizotërimit të ligjit.

Shëlendil në fjalën e tij theksoi se Turqia kërkon qetësi të brendshme dhe stabilitet politik të Maqedonisë dhe theksoi se ky stabilitet dhe qetësi është i një rëndësi të veçantë për të gjithë rajonin. "Turqia mbështet integrimin e Maqedonisë në NATO dhe BE" shtoi ai.

- Dëshirojmë që shkëmbimet tregtare ti rrisim në 1 miliardë dollarë.

Ambasadori Shëlendil tha se marrëdhëniet në fushat si; politika, ekonomia dhe kultura janë në një stad të mirë, por nevoja për zgjerimin dhe përparimin e këtyre marrëdhënieve është e madhe.

“Shkëmbimet tregtare po rriten gjithmonë e më shumë, por ne nuk i shohim të mjaftueshme. Vitin e kaluar shkëmbimet tregtare mes dy vendeve arritën ne 443 milionë dollar. Dëshira jonë është ti çojmë këto shkëmbime tregtare deri në 1 miliard dollar”.

Ai në vazhdim të fjalës së tij tha se në Maqedoni ekzistojnë investime turke me vlerë rreth në rreth 1 miliardë dollar dhe shtoi se pritet që të investojnë në sa më shumë fusha të jetë e mundur.omur solendil

Shëlendil duke prekur edhe temën e kulturës u shpreh se mes dy vendeve ka një marrëdhënie shumë të mirë dhe se Turqia po punon shumë për zhvillimin dhe rritjen e marrëdhënieve kulturore dhe vlerave të përbashkëta historike.

"Në këtë kontekst Agjencia Turke për Zhvillim dhe Koordinim (TIKA) ka bërë një punë shumë të vyer" thotë Shëlendil dhe shton se ky institucion ka bërë shumë projekte për restaurimin dhe rindërtimin e objekteve që i përkasin historisë së përbashkët të dy vendeve.

Shëlendil në përfundim të fjalës së tij tha se Turqia mbështet integritetin e plotë të Republikës së Maqedonisë dhe se janë të angazhuar që marrëdhëniet mes etnive dhe feve të ndryshme në këtë vend të jenë shumë të mira.

Shëlendil në fjalën e tij shtoi gjithashtu se dëshirojnë që pakica turke në këtë vend të vazhdojë të ruaj identitetin e saj. (AA)

Publikuar: 07.04.2015 | 16:54
Lexuar: 759 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime