Kryeministri slloven Borut Pahor deklaroi se nuk mund të mbijetojë vetëm me rrogën e tij prej 3.000 eurove dhe duhet t'i shfrytëzojë paratë e kursyera që t'ia dalë me shpenzimet në fund të muajit.

Pahor këtë e tha në konferencën për të drejtat e studentëve, në të cilën ata protestuan kundër planeve të Qeverisë, që t'ua kufizojë të drejtën e punës dhe ta rrisë tatimin e të ardhurave nga puna studentore prej 14 në 29,5 për qind.

"Unë jam kryeministër dhe marr 3.002 euro në muaj. Unë nuk mund të jetoj me këto para dhe jetoj me ato që paraprakisht i kam kursyer. Kështu që duhet të dini se nuk jeni të vetmit që luftoni për mbijetesë", tha kryeministri slloven.