E martë, 2.09.2014
Impresum - Marketing - Arkiva - Kontakt

Yll Press

Në të dy këto manifestime rolin kryesor e kishin nxënësit e shkollave fillore dhe atyre të mesme . Manifestimet kishin qëllim kulturo sportiv si dhe afrimin dhe shoqërimin e nxënësve nga të gjitha shkollat dhe ato në tërësi janë përkrahur nga Sektori për Veprimtari Publike në kuadër të Komunës së Tetovës
Lojėrat e vjetra dhe garat sportive shkollore  2010 nė Tetovė












Shaban Sinani

Java e fundit të vitit shkollor 2009/10 në rajonin e Tetovës është shënuar me aktivitete të shumta kulturo sportive që ka dhënë një karakter krejt tjetër fare nga vitet e kaluara. Së pari në Sellcën e Tetovës u organizua manifestimi me Lojëra tradicionale, ndërsa duke filluar nga data 7 e deri me 10 qershor Sektori për veprimtari Publike në kuadër të Komunës së Tetovës në bashkëpunim me KA Studenti organizoi “Garat shkollore 2010” për nxënës të shkollave fillore dhe ato të mesme . Të dy manifestimet përkonin me përfundimin e vitit shkollor që ishte në kënaqësi e veçantë për të gjithë nxënësit pjesëmarrës.

lojrat e vjetra tradicionale të malësisë


sellca  dhe lojat tradicionale

Banorët e fshatit Sellcë, kanë rikthyer traditën e vjetër të lojërave tradicionale të cilët kanë qenë pjesë e jetesës së malësorëve në të kaluarën. Ky manifestimi i organizuar nga organizata joqeveritare për sport, art dhe kulturë “Fisi” dhe i përkrahur nga komuna e Tetovës me ndihmë të banorëve të Malësisë së Sharrit tuboi shumë banorë anembanë për të evokuar kujtimet e lojërave dhe garave që ishin pjesë e tyre në të kaluarën. Në këtë eveniment kanë marrë pjesë nxënës të shkollave nga Sellca, Shipkovica, Gajre, Lisec, Vicë, Bozovcë, Veshallë, Brodec, si dhe nxënës nga shkollat e qytetit të Tetovës. Qëllimi i këtij manifestimi ishte ruajtja e dokeve të malësisë së Sharrit dhe kultivimin e ndjenjave për traditat e malësisë. Gjatë këtij manifestimi janë organizuar lojëra në tërheqjen e litarit, hedhja e gjyles dhe vrapimi me stafetë. Këshilli organizativ i këtij manifestimi tradicional i ka ndarë një pllakat me figurën e Skënderbeut kryetarit të komunës Sadi Bexheti, kurse bashkërisht organizatorët me kryetarin dhe banorët e Sellcës kanë vendosur kurora me lule në kompleksin e dëshmorëve në fshatin Sellcë. Banorët që kanë marrë pjesë përmes kanë patur rastin të ndjekin edhe një program të pasur kulturo artistik me artistë të rinj të veshur me veshje kombëtare të cilët sollën folklorin e pasur të malësisë së Tetovës.
E veçanta e këtij manifestimi ka qene se në te kanë marrë pjesë shumë banorë të vendbanimeve të lartpërmendura dhe banorë nga rajoni i pollogut
Manifestimi që gjithashtu kishte të bëjë me përfundimin e vitit shkollor “Garat shkollore 2010” që u mbajtën në futboll të vogël dhe atletikë kanë tubuara afro 500 nxënës të shkollave fillore dhe atyre të mesme organizuara në kategorinë e djemve dhe vajzave .
Në garat e futbollit të vogël për nxënës të shkollave fillore që u organizuan në terrenin e sportiv te sh.f. “Naim Frashëri” morën pjesë ekipe nga 12 shkolla fillore të komunës së Tetovës dhe pas dy ditë gara fituese dolën ekipi i Shkollës fillore “Migjeni” para sh.f. “Istikball” dhe sh.f. “Naim Frashëri” ndërsa ekip më e disiplinuar u shpall sh.f. “Kirili dhe Metodi”, lojtari më mirë ishte talenti i futbollit Ylber Luma.
ekipi  fitues  i gjimnazit

Në turneun e futbollit të vogël për nxënësit e shkollave të mesme që u organizua në terrenin e shkollës së mesme të tekstilit ku morën pjesë pesë ekipe të shkollave të mesme fitues doli ekipi Gjimnazit të Tetovës, para shkollës së mesme Ekonomike dhe shkollës së mesme Bujqësore . Ekip më disiplinuar ishte ajo e Tekstiles ndërsa futbollist më mirë Feran Hasani i Gjimnazit të Tetovës.

lojtari më mirë


Organizatorët për të gjithë më të mirët u ndajtën Kupa , mirënjohje dhe nga një komplet maica me emblemën e komunës së Tetovës .
Me garat e në fakt edhe përfunduan “Garat Shkollore 2010” që u organizuan nga Sektori për veprimtari publike në bashkëveprim me klubin e atletikës Studenti. Në këto gara morën pjesë nxënës të shkollave fillore dhe ato të mesme në kategorinë djemve dhe vajzave.
Në bazë të disiplinave fituese dolën sa vijon
Në disiplinën 300 metra për nxënëse të shkollave fillore fituese dolën Fitore Kurtishi, Elda Rushani dhe Arbnora Shabani.
Në disiplinë 500 metra për nxënës të shkollave fillore fitues dolën Ylber Luma, Festim Aliu dhe Sherif Misimi.
Në disiplinë 800 metra për vajza fituese dolën anëtaret e KA Studenti Niagara dhe Florida Xhemaili, ndërsa në kategorinë e nxënëseve më të mira ishin Besmira Shabani, Zurjeta Karimani dhe Mejreme Uzeiri, dhe në disiplinën 1000 metra fituese dolën Bujar Beqiri, Plaurent Sadiki dhe Amir Aliti.
atletik 1

Pjesëmarrja në garat e atletikës duke pasur para sysh fundin e viti shkollor ishte e kënaqshme. Organizatori për të gjithë fituesit në disiplina të ndryshme ndau medalje dhe mirënjohje.
Pas përfundimit të “Garat shkollore 2010” Sektori për Veprimtari Publike kishte organizuar një darkë të përbashkët ku të pranishëm ishin të gjithë drejtorët e shkollave pjesëmarrës e dhe arsimtarët e edukatës fizike si dhe drejtuesit e klubit të atletikës “Studenti” që ishte bashkë organizator i këtyre garave. Me këtë rast përgjegjësi i Sektorit për Veprimtari Publike z. Iljas Halimi të gjitha shkollave u ndau mirënjohje në shenjë të respektit për pjesëmarrjen e tyre në këto “Gara shkollore 2010” që edhe e përfunduan këtë vit shkollor, ndërsa mirënjohje për bashkëpunim të shkëlqyer iu nda edhe KA “Studenti”. Një mirënjohje e posaçme iu nda Foto Studio “Saiti” i cili kishte përgatitur një foto album nga manifestimet e mbajtura në fshatin Sellcë dhe në “Garat Shkollore 2010”
foto studio  Saiti



gara1

gara2

sh.f. Istikball

atletika 3

atletika 6

Publikuar: 12.06.2010 | 10:52
Lexuar: 3324 herė
Printo PDF format Shto nė,..

Komentet
lola (28/06/2010 22:26:47) lojrat e vjetra dhe garat sporive shkollore ne tetov 2010
linda (28/06/2010 22:30:06) jmhhjj
hello (21/01/2014 14:59:58) gfs

Ndalohet pėrdorimi i gjuhės denigruese dhe fjalėve ofenduese ndaj individėve dhe ndaj grupeve specifike, si dhe komentimet qė s`kanė tė bėjnė me temėn e artikullit. Moderatorėt mbajnė tė drejtėn e fshirjes sė komenteve qė thyejnė rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime