Pas përpjekjeve për të thyer rekordin botëror të Ginisit për qoften më të madhe dhe ëmbëlsirën më të madhe, këtë verë në Shtip do të bëhet përpjekja për gatimin e fasules në kazanin më të madh në botë.

Kazani 3450 litërsh, i cili peshon 4 ton dhe është i gjatë 1 metër e 40 cm, sot ishte vendosur në sheshin e Shkupit për t’i paralajmëruar dhe ftuar qytetarët në këtë eveniment, i cili do të mbahet më 8 gusht në fshatin Saraçievo të Shtipit.

Fasulen do ta gatuaj kuzhinieri Lupço Gievski, fitues i shumë çmimeve, kurse procesi i përgatitjes dhe gatimit do të vlerësohet nga juria zyrtare e organizatës ndërkombëtare të çmimeve të Ginisit. Organizator i këtij evenimenti është biznesmeni Stojan Devçevi.

“Që ta mposhtim rekordin botëror duhet të gatuajmë 3 ton e gjysmë fasule, do të thotë duhet të kemi rreth 326 kg fasule, rreth 2 ton ujë, dhe mëlmesa tjera që duhet t’i përdorim. Momentalisht jemi duke u përgatitur për këtë ngjarje, i provojmë reçetat, bëjmë gati ekipin dhe dëshirojmë që dalim të suksesshëm në këtë përpjekje”, tregon një kuzhinier.