Pakot stimuluese që ndërmarrin një numër të madh vendesh në botë si masa për ballafaqimin me krizat financiare, i shtrembëruan investimet vijuese dhe ato do të duhen që të ndërpriten në momentin kur do të jetë e sigurt që kjo të bëhet, thuhet në raportin e përbashkët të Agjencisë të Kombeve të Bashkuara për tregti dhe zhvillim (UNKTAD) dhe Organizata për bashkëpunim dhe zhvillim ekonomik(OECD).

Dokumenti i të dy organizatave, që përmban të dhëna për investimet në periudhën nga nëntori 2009 deri më 20 maj të këtij viti, tregon se anëtarët e Grupit 20 vende të zhvilluara dhe shtete me zhvillim të përshpejtuar (G 20) në periudhën e përmendur kanë miratuar ndihmë shtetërore me vlerë të përgjithshme më të madhe se një mijë miliardë dollarë.

Shembulli më i theskuar për një pako të tillë të ndihmës shtetërore është programi i Administratës amerikane me vlerë prej 700 miliradë dollarësh, realizimi i së cilës sipas Ministrisë së Financave në SHBA në fund do të kushtojë 105 miliardë dollarë pas kthimit të mjeteve të ndara dhe me rritjen e aksioneve.

UNKTED dhe OECD konsiderojnë se masat stimuluese duhet që të jenë unikate sapo këtë ta lejojnë kushtet ekonomike, me qëllim që të dërgohet një mesazh i qartë investuesve të vendit dhe të huaj se në të ardhmen prej tyre pritet që të punojnë pa ndihmë shtetërore dhe në bazë komerciale.