Turqia planifikon ta ndërtojë auto-sallonin më të madh, në pesë kate dhe sipërfaqe prej 200.000 metrash katrorë në afërsi të Stambollit.

Liderët e projektit nga ndërmarrja ndërtimore "Gjuel dhe Keleshogllu" theksuan se lartësia e hapësirave në auto-sallon do të jetë gjashtë metra, ndërsa në ndërtesë do të ketë 56 restorane dhe kafene. Në auto-sallon do të ketë edhe 24 filiale të bankave dhe 12 bankomate.

Gjatë tërë vitit, në disponim të klientëve do të jetë edhe poligoni i mbyllur në kulmin e kompleksit, ku vozitësit do të mund t'i testojnë automobilat.

I tërë investimi është në vlerë prej 180 milionë dollarëve, ndërsa hapja e sallonit është paraparë për 31 dhjetor rë vitit të ardhshëm.

Vitin e kaluar, në Turqi janë shitur 600.000 automobila, që nuk është numër i madh për një vend me popullatë prej 72 milionë banorëve.