Rreth 5,000 persona kanë protestuar sot në Prishtinë kundër një vendimi qeveritar për t’ju ndaluar nxënësve bartjen e shamive në shkolla publike. Protestuesit, që arritën në Prishtinë nga të gjitha pjesët e vendit, urdhëruan qeverinë që ta tërheqin vendimin dhe të mos i “diskriminojë myslimanët”.

"Do të vazhdojmë të protestojmë deri sa ata t’i lejojnë bijat tona të shkojnë në shkolla me shami”, thotë organizatori, Halil Kastrati.

Protestuesit e zemëruar me mbishkrime ku shkruhej "Mos e përdorni shtetin kundër nesh” dhe “Ka mbaruar koha e komunizmit”, marshuan deri tek ministria e edukimit, e cila edhe ka miratuar ndalesën.

"Kjo nuk është uniformë, por obligim imi fetar. E respektoj fenë time por gjithashtu dëshiroj të shkoj në fakultet”, u shpreh studentja, Fitore Abazi.