Partia opozitare LSDM publikisht i propozoi partisë më të madhe në pushtet VMRO-DPMNE dhe kryetarit të saj Nikolla Gruevski që së bashku të mbështesin Srgjan Kerim si kandidat të pavarur për president të vendit.

Kryetari i LSDM-së Zoran Zaev thotë se Srgjan Kerim me përgjegjësi do të mund të kryente detyrën e presidentit të shtetit, jo mbi baza partiake, por mbi baza kombëtare dhe shtetërore.

"Për person të tillë mendojmë se është dr. Srgjan Kerim. Vlerësojmë se karriera e tij e deritanishme profesionale dhe diplomatike i mundëson atijë që me sukses të kryej funksionin, president i Maqedonisë", deklaroi Zoran Zaev.

Sipas tij, kjo mbështetja e Kerimit do të eliminohen akuzat ndërpartiake, qofshin ato për gënjeshtra, apo për bojkot të zgjedhjeve që vijnë presidenciale.



Kryetari i saj Menduh Thaçi thotë se konstelacionet politike ende nuk janë të qarta për të vendosur nëse do të kenë kandidatin e tyre për zgjedhjet presidenciale. Thaçi nuk e përjashtoi mundësinë që në raundin e dytë të zgjedhjeve të garojnë kandidatë të partive të vogla ose ndonjë kandidat i pavarur.

Krerët e PDSH sonte do të kenë një mbledhje përgatitore për zgjedhjet e marsit, ku do të vendosen kriteret përfundimtare të caktimit apo zgjidhjes së kandidatëve.

"Do ta caktojmë edhe shtabin qëndror që do ta drejtor operativën e fushatës. Mendoj se Shatbi qëndror do të jetë vet kryesia e ngushtë e PDSH-së, shtoi Thaçi.