Operatori amerikan i kërkimit në internet, Google është duke rënë në presion gjithnjë e më të madh për shkak të mbledhjes së të dhënave private nga rrjetet e pasiguruara telefonike WLAN. Edhe në Britaninë e Madhe, autoritetet kanë filluar hetimet për shkelje të mundshme të ligjeve për ruajtjen e të dhënave.

Në SHBA, disa shtete federale janë bërë bashkë për të gjetur nëse Google ka shkelur ligjet me mbledhjen e të dhënave. Ndër të tjera do të mësohet nëse Google ka bërë vlerësim të të dhënave, dhe nëse po me çfarë qëllimi.

Edhe në Gjermani prokuroria është duke zhvilluar hetime. Në muajin maj Google pranoi se ka mbledhur të dhëna nga më shumë se 30 vende nga rrjetet e pasiguruara WLAN, në kuadër të shërbimit "Street View" të fotografimit të rrugëve. Firma foli për një pakujdesi.