Kompania bullgare Sofika Grup fillon me punë në Maqedoni. Kompania, e cila është furnizuesi më i madh i outsorsing shërbimeve - BPO të biznes proceseve në sferën e financave, teknologjisë informatike dhe sektorëve të tjerë, në Maqedoni planifikon të investojë ndërmjet pesë dhe shtatë milionë euro.

Në vitin e parë të punës në Maqedoni, Sofika Grup paralajmëron 100 vende të reja të punës, ndërsa në tre deri pesë vitet e ardhshme pritet që ai numër të arrijë ndërmjet 400 dhe 500. Investimi në vend realizohet përmes fushatës Invest in Macedonia.

Kompania ofron shërbime në komunikimin e brendshëm dhe të jashtëm dhe shërbime konsultative. Ato përfshijnë shërbime informuese, studime sociologjike, telemarketing, shërbim i klientëve, HR outsoring, përpunim i vendimeve individuale për përmirësimin e shërbimit të klientëve dhe zgjerim të bazës së klientëve.

Strategjia e kompanisë është ta ruajë zhvillimin dinamik nga tre vitet e fundit me zgjerimin e protofolit të shërbimeve të propozuara, tërheqjen e klientëve të rinj strategjik dhe ruajtjen e bashkëpunimit të suksesshëm me klientët e deritanishëm.