E hënë, 19.11.2018
Impresum - Marketing - Arkiva - Kontakt

Yll Press

Këtë sot në konferencë për shtyp e theksoi drejtori i HM Insfrastrukrura Irfan Asani si përgjigje në akuzat nga LSDM-ja opozitare e cila dje në kumtesë theksoi se hekurudhat e Maqedonisë janë "të kalbura".
Asani: Janë rikonstruar më shumë se 55 kilometra hekurudhë të Korridorit 10


- Në katër vitet e fundit kemi rikonstruuar më shumë se 55 kilometra hekurudhë të Korridorit 10, si dhe më shumë se 30- 40 pika të zeza, në Lisiçe, Draçevë, Kadina Rekë, Milladinovce, Raomanovcë, Demir Kapi, Gjorçe Petrov, Jegunovcë... mes Tetovës dhe Gostivarit, po edhe prej Manastirit deri në Veles.

Këtë sot në konferencë për shtyp e theksoi drejtori i HM Insfrastrukrura Irfan Asani si përgjigje në akuzat nga LSDM-ja opozitare e cila dje në kumtesë theksoi se hekurudhat e Maqedonisë janë "të kalbura".

"Ndoshta kanë qenë të kalbura ndonjë kohë apo të lëna të qëndrojnë ashtu 20 vjet siç është rasti nga Kumanova deri në Belkovcë dhe nga Belkovca deri në Kriva Pallankë, por para katër viteve filluam t'i rehabilitojmë. Normalisht nuk pretendojmë se kemi bërë gjithçka dhe se i kemi përfunduar të gjitha punët, por kemi bërë aq ndërhyrje të mëdha që sot do të thotë shumë, e ajo është mundësia e trenave të qarkullojnë nga Gjevgjelia deri në Tabanovcë me shpejtësi të projektuar prej 120 kilometra në orë" tha Asani.

Hekurudhat tona, shtoi janë ndërtuar dhe projektuar me shpejtësi deri 120 kilometra në orë dhe më shumë nuk mundemi të lejojmë.

Ai shtoi se vetëm para katër viteve kishim akse dhe pjesë që treni ecte më ngadalë madje edhe nga shpejtësia e njeriut i cili ec në këmbë. Por kjo theksoi tashmë është harruar.

Saktëson se me trenin e ri, i cili dje kishte lëvizje promovuese do të qarkullojë vetëm në Korridorin 10, i cili është i elektrifikuar, ndërsa për Korridorin 8 dhe hekurudhat e tjera do të shfrytëzohen disel kompozicionet. Prej gjashtë kompozicioneve të reja për udhëtarë, siç theksoi vetëm dy janë elektrike, ndërsa katër disel.

Në tre deri katër ditët e ardhshme, theksoi, do të rregullohet tërësisht edhe hekurudha nga Manastiri deri në Veles ku kishte rrezik nga shembjet e dheut, ndërsa deri në fund të vitit 2016 do të jenë të gatshme edhe projekti për lidhje hekurudhore me Shqipërinë kur do të jetë i gatshëm edhe projekti kryesor për hekurudhën në pjesën Kërçovë-Shqipëri. (MIA)

Publikuar: 16.11.2015 | 18:34
Lexuar: 552 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime