E mërkurë, 12.12.2018
Impresum - Marketing - Arkiva - Kontakt

Yll Press

Në këtë ngjarje, fjalë rasti mbajtën edhe djali i Azem Hajdarit, Kiri Hajdari, Ambasadori i R. së Shqipërisë në Shkup Fatos Reka, ish kryetari i Partisë Demokratike Tritan Shehu si dhe Drejtori i ITSHKSH-së Skender Asani.
Komuna e Çairit nderoi Azem Hajdarin – simbolin e demokracisë në Shqipëri dhe rajon

Nga dje, një nga rrugët e Çarshisë së Vjetër të Shkupit do ta bartë emrin e Azem Hajdarit – figurës më emblematike dhe unifikuese të përpjekjeve disadekadëshe të gjeneratave të tëra, për një Shqipëri të lirë, të pavarur dhe demokratike.
Vendimin për emërimin e rrugës në zemrën e Shkupit me këtë figure të rëndësishme të historisë së shqiptarëve, e solli Komuna e Çairit në propozim të Shoqatës së historianëve shqiptarë të Maqedonisë. Në propozim të grupit të këshilltarëve të BDI-së, ky vendim është vërtetuar edhe nga ana e Këshillit të Qytetit të Shkupit.

„Sot është një ditë e veçantë, jo vetëm për Çairin dhe Shkupin, sepse pikërisht këtu në Shkup, po përjetësojmë një figurë shumë të rëndësishme të demokracisë dhe historisë mbarëshqiptare. Po përjetësojmë emrin e simbolit të lirisë dhe demokracisë – Azem Hajdari” tha mes tjerash Kryetari i Komunës së Çairit Izet Mexhiti, në përurimin solemn në prani të familjes Hajdari dhe përfaqësuesve të tjerë të shquar dhe mysafirë nga Shqipëria dhe Kosova, event ky i mbajtur në Çarshinë e vjetër në objektin Çifte hamam. “Simbolika e këtij emri është edhe më e madhe, pikërisht për faktin se po vendoset në vendin më të vizituar të Shkupit, në Çarshinë e vjetër, e cila për çdo ditë pret qindra mysafirë nga të gjitha anët e botës, e të cilët prej sot e tutje, do të kenë rastin të mësojnë më tepër për këtë simbol të demokracisë”, shtoi Mexhiti.

Në këtë ngjarje, fjalë rasti mbajtën edhe djali i Azem Hajdarit, Kiri Hajdari, Ambasadori i R. së Shqipërisë në Shkup Fatos Reka, ish kryetari i Partisë Demokratike Tritan Shehu si dhe Drejtori i ITSHKSH-së Skender Asani.

Azem Hajdari ishte lider i lëvizjes studentore e cila në fillim të viteve nëntëdhjeta i printe forcave demokratike të cilët e përmbysën regjimin komunist në Shqipëri. Për shkak të qëndrimeve të tija politike dhe mënyrës së veprimit, Hajdari u ngrit në simbolin e fillimit të epokës demokratike në Shqipëri dhe të rajonit më të gjërë. Në 12 shtator 1998, Hajdari u vra në atentat.
Për përpjekjet dhe veprimet e tija politike, Hajdari shumëherë është nderuar edhe në Shqipëri dhe Kosovë.
Komuna e Çairit nderoi Azem Hajdarin – simbolin e demokracisë në Shqipëri dhe rajon
Komuna e Çairit nderoi Azem Hajdarin – simbolin e demokracisë në Shqipëri dhe rajon
Komuna e Çairit nderoi Azem Hajdarin – simbolin e demokracisë në Shqipëri dhe rajon
Komuna e Çairit nderoi Azem Hajdarin – simbolin e demokracisë në Shqipëri dhe rajon
Komuna e Çairit nderoi Azem Hajdarin – simbolin e demokracisë në Shqipëri dhe rajon
Komuna e Çairit nderoi Azem Hajdarin – simbolin e demokracisë në Shqipëri dhe rajon
Komuna e Çairit nderoi Azem Hajdarin – simbolin e demokracisë në Shqipëri dhe rajon
Komuna e Çairit nderoi Azem Hajdarin – simbolin e demokracisë në Shqipëri dhe rajon
Komuna e Çairit nderoi Azem Hajdarin – simbolin e demokracisë në Shqipëri dhe rajon
Komuna e Çairit nderoi Azem Hajdarin – simbolin e demokracisë në Shqipëri dhe rajon

Publikuar: 05.12.2015 | 16:46
Lexuar: 872 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime