E hënë, 17.12.2018
Impresum - Marketing - Arkiva - Kontakt

Yll Press

Mjetet janë siguruar nga KE-ja, e cila financon 8 5 për qind të vlerës së projekteve, ndërsa 15 për qind tjera janë nga Ministria e Vetëqeverisjes Lokale.
Në dispozicion 20,5 milionë euro për bashkëpunim mbikufitar mes Maqedonisë dhe Greqisë


Është shpallur Thirrja e parë publike për propozimet e projekteve nga IPA programi për bashkëpunim ndërkufitar mes Greqisë dhe Maqedonisë për periudhën e vitit 2014 -2020. Do të jenë në dispozicion rreth 20,5 milionë euro, këtë në konferencën e sotme për shtyp e kumtoi ministri i Vetëqeverisjes Lokale Lirim Shabani.

"Ky program është në suaza të zbatimit të Instrumentit për ndihmë parainkuadruese IPA 2. Me këtë program është parashikuar të financohen projektet në vlerë prej 45,47 milion euro, të cilat do t'i implementojnë shfrytëzuesit me aktivitete në pesë rajone në Greqi dhe katër në Maqedoni. Ato janë, rajoni Jugperëndimor, Juglindor, i Pellagonisë dhe rajoni i Vardarit", tha Shabani i cili sqaroi se ky program ndërkufitar ishte miratuar nga KE-ja më 7 gusht të vitit 2015.

Mjetet janë siguruar nga KE-ja, e cila financon 8 5 për qind të vlerës së projekteve, ndërsa 15 për qind tjera janë nga Ministria e Vetëqeverisjes Lokale.

Ministria e Vetëqeverisjes Lokale është nominuar si Trup kombëtar përgjegjës për bashkëpunimin ndërkufitar. Për atë qëllim, ashtu siç tha, do t'i financojmë shfrytëzuesit e projekteve nga Maqedonia përmes mbulimit të aktiviteteve të tyre në vlerë prej 15 për qind nga vlera e harxhimeve.

"Qëllimi kryesor i Programit është të përmirësohet kohezioni territorial përmes përmirësimit të standardit të jetës dhe krijimit të vendeve të reja të punës, mirëmbajtjen e mjedisit jetësor edhe përmes shfrytëzimit përgjegjës të resurseve natyrore për zhvillim të turizmit", tha Shabani.

Prioritetet e thirrjes së parë janë promovimi i punësimit, mobiliteti i fuqisë së punës, përfshirja sociale dhe kulturore në bashkëpunimin ndërkufitar, mbrojtja e mjedisit jetësor dhe promovimi i përshtatshmërisë, zvogëlimi, ndalimi dhe menaxhimi me rreziqet nga ndryshimet klimatike, promovimi i transportit të përmbajtur dhe përmirësimi i infrastrukturës rrugore, nxitja e turizmit, si dhe pasuria natyrore dhe kulturore.

Ministri Shabani potencon se me Greqinë deri tani së bashku kanë realizuar 50 projekte , 38 kanë përfunduar , ndërsa 14 janë në fazën e realizimit. Projektet kanë vlerë prej rreth 10 milionë euro.

Për organizatat dhe institucionet e interesuara janë planifikuar katër ditë informative , prej të cilave dy në Republikën e Maqedonisë. Informatat për terminet do të publikohen në ueb faqen e Ministrisë së Vetëqeverisjes Lokale.

Publikuar: 07.12.2015 | 16:31
Lexuar: 850 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime