E hënë, 19.11.2018
Impresum - Marketing - Arkiva - Kontakt

Yll Press

"Mes tjerash, në të ardhmen do të organizohen edhe takime të përbashkëta të ekspertëve, si dhe rëndësi e veçantë do t’i kushtohet zhvillimit të projekteve të përbashkëta shkencore në fushën e mjekësisë familjare", citohet në njoftim.
Universiteti Shtetëror i Tetovës dhe Universiteti i Shkupit nënshkruan marrëveshje bashkëpunimi


Tetovë, 23 dhjetor 2015 (MIA) - Fakulteti i Shkencave të Mjekësisë i Universitetit Shtetëror të Tetovës dhe Fakulteti i Mjekësisë i Universitetit "Shën Cirili dhe Metodi" në Shkup, nënshkruan memorandum bashkëpunimi.

Sipas njoftimit zyrtar të USHT-së, ky akt është firmosur nga dy dekanët, Prof. dr. Nasir Bexheti dhe Prof. dr. Nikolla Jankullovski. Ky memorandum parasheh përforcimin e bashkëpunimit mes dy institucioneve në fushën e zhvillimit të Mjekësisë Familjare në Maqedoni, me qëllim të rritjes së cilësisë për mbrojtjen shëndetësore të pacientëve.

Dekani i Fakultetit të Shkencave të Mjekësisë të USHT-së, Prof. dr. Nasir Bexheti theksoi se dy fakultetet janë pajtuar që të bashkëpunojnë në fusha të ndryshme të mjekësisë familjare. ,,Sipas marrëveshjes, ne do të bashkëpunojmë në këto fusha të mjekësisë familjare, si: Mësim deridiplomik në mjekësi familjare; Specializim për mjekësi familjare; Riedukim në lëmin e mjekësisë familjare; Hulumtim në fushën e mjekësisë familjare; Ngritje të vazhdueshme profesionale të mjekëve të mjekësisë familjare; Ngritje të vazhdueshme profesionale të edukatorëve, mentorëve, arsimtarëve, si dhe mbështetje në zhvillimin e Katedrës për mjekësi familjare", tha Prof. dr. Nasir Bexheti, dekani i Fakultetit të Shkencave të Mjekësisë i USHT-së.

Ky bashkëpunim mes dy fakulteteve do të realizohet edhe përmes shkëmbimit të profesorëve, si dhe studentëve të nivelit deridiplomik dhe pasdiplomik. Po ashtu, është paraparë të ketë mbikëqyrje në specializimin në lëmin e mjekësisë familjare, si dhe të bëhet organizim dhe pjesëmarrje në realizimin e provimit specialistik në lëmin e mjekësisë familjare.

"Mes tjerash, në të ardhmen do të organizohen edhe takime të përbashkëta të ekspertëve, si dhe rëndësi e veçantë do t’i kushtohet zhvillimit të projekteve të përbashkëta shkencore në fushën e mjekësisë familjare", citohet në njoftim.
Universiteti Shtetëror i Tetovës dhe Universiteti i Shkupit nënshkruan marrëveshje bashkëpunimi
Universiteti Shtetëror i Tetovës dhe Universiteti i Shkupit nënshkruan marrëveshje bashkëpunimi

Publikuar: 23.12.2015 | 13:58
Lexuar: 660 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:





Developed by: Just5 Studio
Rss furnizime