Zëvendës presidenti amerikan, Xhoe Bajden, arriti sot në Bagdad, në një vizitë të papritur.

Mendohet se ai do të bisedoj me liderët irakianë për problemet lidhur me formimin e qeverisë së re.

Politikanët irakianë ende po zhvillojnë negociata, pas zgjedhjeve të muajit mars dhe kjo e ka ngritur çështjen e planeve amerikane për përfundimin e operacioneve luftarake gjatë muajit të ardhshëm.

Vizita e zotit Bajden po bëhet në kohën kur tre senatorë të Shteteve të Bashkuara kanë kërkuar nga liderët irakianë, që të veprojnë shpejtë për ta formuar qeverinë e koalicionit.