E hënë, 17.12.2018
Impresum - Marketing - Arkiva - Kontakt

Yll Press

Promovimin e përshëndeti pinjolli i familjes së Isa Boletinit, z.Gazmend Boletini, i cili theksoi rëndësinë e madhe të këtij libri për historiografinë shqiptare.
Promovohet libri “Isa Boletini në Lëvizjen Kombëtare Shqiptare”

Sot në Shkup u promovua libri “Isa Boletini në Lëvizjen Kombëtare Shqiptare”, me materiale nga konferenca shkencore mbajtur më 5 qershor 2015 në Prishtinë.

Në të vërtetë, ky projekt ishte fryt i bashkëpunimit në mes të Institutit të Historisë “Ali Hadri” – Prishtinë, Institutit të Historisë – Tiranë, dhe Institutit të Trashëgimisë Shpirtërore e Kulturore të Shqiptarëve – Shkup.

Promovimin e përshëndeti pinjolli i familjes së Isa Boletinit, z.Gazmend Boletini, i cili theksoi rëndësinë e madhe të këtij libri për historiografinë shqiptare.

Edhe kryetari i Komunës Saraj të Shkupit, Bekim Murati, u shpreh i entuziazmuar, që ngrtitjes së shtatores së Isa Boletinit në Saraj, i parapriu ky përurim libri për figurën e heroit të madh popullor Isa Boletini.

Më tej, rreth rëndësisë së konferencës shkencore dhe bashkëpunimit të ndërsjellë, folën drejtori i Institutit të Historisë së Prishtinës, Prof.dr.Sabit Syla, dhe drejtori i ITSHKSH-së, Doc.dr.Skender Asani, të cilët çmuan lartë figurën e Isa Boletinit dhe këtë përmbledhje me materiale shkencore historike.

Ndërsa, më hollësisht rreth përmbajtes së librit, folën Prof.dr.Sabile Keçmezi-Basha nga Instituti i Historisë së Prishtinës, dhe Doc.dr.Sevdail Demiri nga ITSHKSH-Shkup.

Në këtë libër me mbi 360 faqe, janë botuar kumtesat shkencore të 24 studiuesve të njohur shqiptarë nga të gjitha trojet etnike shqiptare, duke e ndriçuar figurën e heroit kombëtar Isa Boletini në më shumë aspekte.

Libri u botua me rastin e 100 vjetorit të rënies së Isa Boletinit, dhe me rastin e ngritjes së shtatores së tij në Komunën Saraj të Shkupit.
Promovohet libri 'Isa Boletini në Lëvizjen Kombëtare Shqiptare'
Promovohet libri 'Isa Boletini në Lëvizjen Kombëtare Shqiptare'
Promovohet libri 'Isa Boletini në Lëvizjen Kombëtare Shqiptare'

Publikuar: 22.01.2016 | 17:38
Lexuar: 759 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime