E martë, 11.12.2018
Impresum - Marketing - Arkiva - Kontakt

Yll Press

Në ceremoninë e ndarjes së aktvendimeve, para mësimdhënësve dhe drejtorëve të shkollave, kryetari Nevzat Bejta uroi ato për aktvendimet e marra, duke i kujtuar në përkushtimin, vendosmërinë dhe rolin pozitiv që duhet ta kenë si edukatorë të gjeneratave të reja.
Kryetari Nevzat Bejta ndau aktvendime pune për 16 mësimdhënës të Shkollave Fillore të Komunës së Gostivarit






Në mjediset e Këshillit Rinor, kryetari Nevzat Bejta ndau aktvendime pune të përhershme për 16 mësimdhënës të Shkollave Fillore Publike të Komunës së Gostivarit.

Në ceremoninë e ndarjes së aktvendimeve, para mësimdhënësve dhe drejtorëve të shkollave, kryetari Nevzat Bejta uroi ato për aktvendimet e marra, duke i kujtuar në përkushtimin, vendosmërinë dhe rolin pozitiv që duhet ta kenë si edukatorë të gjeneratave të reja.

Kryetari Bejta, duke u bazuar edhe në të kaluarën e tij si pedagog, potencoi që profesioni i mësuesisë është profesion fisnik, human dhe mbi gjitha me përgjegjësi të lartë profesionale dhe shoqërore.

“Fal angazhimit të Komunës dhe udhëheqësit të Departamentit për Arsim, Kulturë dhe Sport, Edit Azizi, drejtorëve të shkollave dhe Ministrisë së Arsimit dhe Shkencës, u arrit të përmbyllet procedura që këto pedagogë nga shkollat fillore të Komunës së Gostivarit të pajisen me vendime të përhershme pune. Kjo ditë është një ditë e veçantë për Ju, po ashtu, ky moment është kënaqësi e madhe për mua që më në fund rregullohet statusi i marrëdhënies së punës për këto të punësuar në Arsim”, tha kryetari Bejta.

“Juve ju mbetet që kur të hyni në dyert e shkollave dhe klasave të shfaqni energji pozitive para nxënësve. Ato janë vëzhguesit më të mirë për punën tuja. Mund të ketë probleme por nuk ka problem që s’ka zgjidhje. Ne si Komunë bëjmë përpjekje maksimale të rregullojmë institucionet arsimore publike dhe të krijojmë kushte sa më të mira, sepse edhe kushtet ndikojnë në avancimin e procesit edukativo arsimor”, tha kryetari Nevzat Bejta.

Në Dhjetor të vitit 2015, kryetari Nevzat Bejta ndau edhe 70 aktvendime tjera të përhershme pune për po aq punonjës nga shkollat fillore dhe të mesme publike, ndërkohë që në periudhën në vazhdim do të ndahen edhe një numër tjetër aktvendimesh për mësimdhënës të shkollave të Gostivarit.

Udhëheqësi i Departamentit për Arsim, Kulturë dhe Sport, Edit Azizi shprehu mirënjohje për përkrahjen e pa rezervë nga kryetari Nevzat Bejta dhe ministri Abdilaqim Ademi për përfundimin e procedurës së marrjes së vendimeve për punonjësit në Arsim.





Publikuar: 05.02.2016 | 22:16
Lexuar: 683 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime