E mërkurë, 21.11.2018
Impresum - Marketing - Arkiva - Kontakt

Yll Press

“Më kujtohet se i dija tekstet e të gjitha këngëve të atij albumi para se të shkoja në vitin e parë në shkollë. Isha e obsesionuar”, është shprehur Dua Lipa në një intervistë për BBC.
BBC: Dua Lipa, ylli i popit në pritje [video]


E lindur në Londër me prindërit nga Kosova, Dua Lipa cilësohet nga BBC si “ylli i popit në pritje”.

Përkundër që është rritur me tingujt e muzikës së David Bowiet dhe Bob Dylanit, këngëtarja shqiptare albumin e parë që e kishte blerë ishte ai i yllit kanadez të popit nelly Furtado, për të cilin thotë se ishte e obsesionuar, transmeton Koha.net.

“Më kujtohet se i dija tekstet e të gjitha këngëve të atij albumi para se të shkoja në vitin e parë në shkollë. Isha e obsesionuar”, është shprehur Dua Lipa në një intervistë për BBC.

Ajo dje ka lansuar këngën e saj më të re “Last Dance” që ishte premierë në BBC Radio 1, videoklipin e së cilës e kishte incizuar para një vit e gjysmë më parë.

“E kam shkruar atë në Toronto. Ishte një nga këngët që zbulonte se si unë do të isha, muzika, errësira, teksti, kori i popit. Kjo është një nga këngët që do ta dërgoja te producentët dhe do t’u thosha: ‘Mirë, ky është zëri im’”, është shprehur Dua Lipa.

Ajo ka thënë se “kjo këngë ishte bërë në tetor të vitit 2014”, kur është pyetur nëse kjo pritje e ka çmendur atë ajo është shprehur, “Po, por donim që të bënim gati albumin para se të publikonim diçka, prandaj mund të planifikonim dhe të incizonim videot. Tashmë është një kohë e gjatë”.

20 vjeçarja ka treguar se një nga instrumentet e para që kishte zgjedhur ishte një violonçel, nga e cila do të hiqte dorë më vonë për shkak të rrezikimit të shëndetit.

“Ishte një zgjedhje e çmendur, të zgjidhja violonçelin kur isha në shkollë fillore. Vërtetë më pëlqente, por isha shumë e vogël. Duhej ta mbaja këtë çelo të madhe në shpinën time dhe ishte shumë e rrezikshme për shëndetin tim për shkak të madhësisë, prandaj hoqa dorë”, ka thënë Dua Lipa.

Kur ishte në shkollë fillore i kishin thënë se nuk mund të bëhej këngëtare për shkak se nuk mund t’i arrinte notat e larta.

“Kur isha në shkollë fillore më kishin thënë se nuk mund të këndoja për shkak se nuk mund të arrija notat e larta. Ajo më kishte humbur vullnetin paksa, por kur prindërit më dërguan në shkollën Sylvia Young atje më thanë se mund të këndoja, dhe kjo më riktheu vetëbesimin. Por, asnjëherë nuk kam arritur të isha në grupin më të mirë sepse nuk isha mjaftueshëm muzikale për teatër. Për çka jam shumë mirënjohëse, sepse kam mundur të mbaj zërin tim, sesa të bëhesha këngëtare e Broadwayt dhe këngëtare jazi”, është shprehur ajo.

Në moshën 13 vjeçare babai i Dau Lipës e kishte dërguar familjen e tij në Kosovë, për të qëndruar vetëm dy vjet. Ndërsa në moshën 15 vjeçare Dua është rikthyer përsëri në Londër për të ndjekur ëndrrën e saj të këngës. Ajo kishte jetuar me shoqërinë e saj, kishte punuar në restorante dhe kishte ndjekur jetën e natës në Londër, që e inspironin të shkruante tekste.

“Kur isha 15 vjeçare prindërit më kanë ndihmuar, por kur i bëra 16 vjet fillova të punoj në një klub nate si nikoqire, njëherë e kisha takuar edhe Channing Tatumin dhe gruan e tij, ishte një kohë e mirë”, ka thënë Dua.

Ajo gjithmonë ka dashur që në muzikën e saj të ketë një përzierje ndërmjet hip-hopit dhe popit.

“Gjithmonë doja që t’i kombinoja ato, vetëm se nuk e dija si ta bëja. Nuk doja që të këndoja rep në ndonjërën këngë, por muzika është si ato të hip-hopit, dhe e kam atë mënyrën e të kënduarit e reperëve në vargje, të këndosh në rep , atëherë arrin atë korin e popit”, ka thënë këngëtarja shqiptare.

Deri më tani ajo ka bërë të ditur se ka shkruar dhe incizuar rreth 130 këngë për një vjet e gjysmë.

“Kam bërë rreth 130 këngë, por vetëm 25 të tilla ishin me të vërtetë emocionuese, dhe 12 prej tyre janë përfshirë në album”, ka thënë ajo.

Suksesin e këngës “Be The One” ajo e pret edhe në këngën e re “Last Dance”, për të cilën tregon se ishte shumë i vështirë incizimi i videoklipit për shkak të ftohtit të madh.

“E kemi bërë videoklipin në Kaliforni. Video duhej të bëhej me zhytje në liqen. Ne e incizuam atë në dhjetor, dhe isha e veshur hollë, që të ngrinte me të vërtetë. Isha tmerruar, as nuk mund të merrja frymë. Më janë dashur rreth 20 minuta për t’u nxehur përsëri”, ka thënë Dua Lipa.

© KOHA

Publikuar: 09.02.2016 | 13:28
Lexuar: 682 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime