Komisioni Evropian propozon që evropianët të mos pensionohen para se të mbushin 70-vjeç, që t'u ndihmojnë fondeve pensionale, që tregojnë mungesë të mjeteve financiare, transmetojnë agjencitë.

Në dokumentin, që duhet të publikohet nesër, komisioni thekson se për momentin katër të punësuar sigurojnë mjete për dy pensionistë.

Për shkak të rritjes së numrit së të moshuarve do të imponohet nevoja që mosha mesatare për pensionim të ngritet deri në 67 vjeç në vitin 2040 dhe deri në 70 vjeç në vitin 2060, që të ruhet sistemi i tanishëm pensional, vëren Komisioni Evropian.