Në takim me kryeministrin Berisha është diskutuar për zhvillimet e fundit ne Maqedoni, zgjedhjet e marsit, zgjedhjet e qershorit ne Shqipëri, korridorin 8, rrugën e Arbrit si dhe rreth ndërtimit të hekurudhës Shqipëri – Maqedoni. Nga ana e tij. Berisha i ka shprehur Ahmeti falënderime te veçanta për organizimin e vitit jubilar të Kongresit të Manastirit.

Ndërsa presidenti shqiptar Bamir Topi e njoftoi kryetarin e BDI-së, Ali Ahmeti për procesin e dialogut ne Shqipëri mes faktorëve politik dhe mes institucioneve, reformat ne gjyqësi dhe ka shprehur kënaqësi për arritjet e shqiptareve ne Maqedoni dhe Bashkimit Demokratik për Integrim ne këtë periudhe qeverisjeje.

Në delegacionin e BDI-së që qëndron për vizitë zyrtare në Shqipëri marrin pjesë edhe deputeti Xhevat Ademi, kryetari i komunës së Gostivarit, Nevzat Bejta dhe Agron Buxhaku, anëtar i KQ të BDI-së.