Bordi i drejtorëve i Fondit Monetar Ndërkombëtar (FNM) mbrëmë në Uashington i ka akorduar stend-baj aranzhman Serbisë me vlerë prej 402,5 milionë eurosh, si përkrahje e programit të Qeverisë serbe të ruajë makroekonominë dhe stabilitetin financiar në vend, duke pasur parasysh krizën globale fiananciare, publikohet në interent faqen e FMN-së.
FMN-ja kumtoi se Qeveria serbe, nëse dëshiron mundet menjëherë të tërheq 268,4 milionë euro, aq sa i ka në dispozicion.
Në kumtesë thuhet se autoritetet serbe planifikojnë këtë aranzhman ta trajtojnë si preventivë dhe nuk do t'i marrin paratë nga Fondi nëse kjo nuk është e nevojshme.
"Thelbi qëndron në masat të cilat kanë për qëllim ruajtjen e besushmërisë tregtare, duke i plotësuar masat e rëndësishme mbrojtëse në sistemin financiar", thuhet në kumtesën e FMN.
Këto masa përfshijnë politikën restriktive fiskale, deficit buxhetor më të vogël se 1,75 për qind në BPV në vitin 2009, mbajtjen e inflacionit nën kontroll, si dhe përforcimin e përgatitjeve për ballafaqim me krizën.
