Kuvendi i Maqedonisë e filloi seancën e jashtëzakonshme me pikë të vetme në rendin e ditës Propozim vendimi për shkarkimin e kryetarit të Dhomës ligjdhënëse Trajko Veljanoski, të parashtruar nga LSDM-ja dhe PRSD-ja.

Dy partitë opozitare e akuzojnë Veljanoskin se më 1 korrik, kur ka ndodhur incidenti para dhe në Parlament, ka bërë disa shkelje të nenit 43 nga Ligji për Kuvend, si dhe për më shumë veprime lidhur me këtë, por edhe me ngjarje tjera.

Propozim vendimi për shkarkimin e tij e bazojnë në nenin 68, paragrafi 16, dhe nenin 114, e lidhur me nenin 21 nga Rregullorja e Kuvendit të Republikës së Maqedonisë.

Parashihet që seanca të fillojë në ora 11, ndërsa do të përfundojë me shterjen e listës së të paraqiturve për diskutim dhe votim. Për dallim nga kërkesa për interpelancë, procedura për shkarkim nuk është e rregulluar as me Rregullore, as me Ligjin për Kuvend, as me Kushtetutë.