E enjte, 13.12.2018
Impresum - Marketing - Arkiva - Kontakt

Yll Press

Sipas tij, për të marrë pjesë në Programin Fulbright, aplikuesi duhet të ketë përfunduar studimet universitare dhe të ketë një diplomë ekuivalente me një diplomë bachelor. Ndërsa afati i fundit për pranimin e aplikimit është deri më 31 maj të këtij viti.
SHBA-të ofrojnë bursa për studentët e UT-së







Sot, në Universitetin e Tetovës, Ambasada e Shteteve të Bashkuara të Amerikës në Maqedoni i prezantoi bursat që ndahen nga Qeveria Amerikane për studentët e këtij universiteti. Në këtë prezantim, Asistenti për çështje arsimore në Ambasadën e SHBA-ve në Shkup, Gazmend Ilazi i prezantoi bursat që ndahen në kuadër të programeve: Fulbright Foreign, Fulbright Scholar dhe Hubert H, Humphrey Fellovship.

Ai tha se, përmes këtyre programeve, studentëve, profesorëve dhe të punësuarve në administratë u ofrohen mundësi që të studiojnë në Universitetet më të mira të Shteteve të Bashkuara të Amerikës. ”Sot bëmë prezantimin e disa programeve, si programi Fulbright Foreign, i cili ofron bursa për studentët që janë të interesuar të studiojnë në studimet pasuniversitare në Shtetet e Bashkuara të Amerikës, ose kandidatët të cilët e kanë të regjistruar magjistraturën, ose doktoraturën në universitetet në Republikën e Maqedonisë, apo diku tjetër, dhe dëshirojnë të bëjnë hulumtime për temën e magjistraturës, ose doktoraturës së tyre në SHBA.

Gjithashtu, edhe programi Hubert H, Humphrey Fellovship, është një program që mundëson profesionalizim në punët që një kandidat, i cili është i interesuar për atë bursë, dëshiron që të arrijë në SHBA. Prezantuam edhe programin Fulbgright Scholar, që ofron bursa për studime pasdoktorale, dhe kjo mundësohet për profesorë të cilët janë të interesuar të bëjnë hulumtime në temën që ato punojnë ose në profesionin e tyre”, tha Gazmend Ilazi.

Sipas tij, për të marrë pjesë në Programin Fulbright, aplikuesi duhet të ketë përfunduar studimet universitare dhe të ketë një diplomë ekuivalente me një diplomë bachelor. Ndërsa afati i fundit për pranimin e aplikimit është deri më 31 maj të këtij viti.

Po ashtu, edhe për programin Hubert H.Humphrey Fellovship afati është i njëjtë, deri më 31 maj të këtij viti. Kurse për programin Fulbrihght Scholar, afati i fundit për pranim të aplikimeve është deri më 1 nëntor të vitit 2016. Studentët që dëshirojnë më shumë informata mund t’i vizitojnë këto faqe interneti: http://fulbright.state.gov/ ose http://macedonia.usembassy.gov
SHBA-të ofrojnë bursa për studentët e UT-së
SHBA-të ofrojnë bursa për studentët e UT-së
SHBA-të ofrojnë bursa për studentët e UT-së

Publikuar: 19.04.2016 | 17:10
Lexuar: 647 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime