Tridhjetë e dy për qind e qytetarëve të Maqedonisë mendojnë se Maqedonia do të bëhet anëtare e BE-së për dy deri tre vite, tregojnë rezultatet nga anketa telefonike e Institutit për hulumtime politike - Shkup, të përpunuar me kërkesë të Sekretariatit për çështje evropiane, më 3 dhe 4 korrik mbi 1.100 të anketuar.

Sipas sondazhit 21,6 për qind mendojnë se Maqedonia do të bëhet anëtare e BE-së në pesë vitet e fundit, 14,8 për qind për 10 vite, ndërsa 11,1 për qind mendojnë se kjo asnjëherë nuk do të ndodh. Njëzet për qind nuk kishin përgjigje për pyetjen.

Për 28,8 për qind e të anketuarve hyrja e jonë në BE më pozitivisht do të ndikoj ndaj zhvillimit të ekonomisë, për 16,9 për qind ajo është cilësia e mjedisit jetësor, për 11,9 për qind ato janë investimet e huaja dhe për stabilitetin dhe zvogëlimin e papunësisë janë përcaktuar 11,1 për qind. Nga të anketuarit, 0,8 për qind mendojnë se ndikim më të vogël do të ketë në arsim dhe bujqësi, ndërsa 0,2 për qind për teknikën dhe ndihmën teknologjike.

Qytetarët për procesin e eurointegrimit më së shpeshti informohen nga mediat, edhe atë nga ato elektronike 84 për qind, nga ato të shtypura 5,8 për qind, ndërsa përmes internetit 8,7 për qind.