Obama do të jetë i preokupur me probleme ekonomike, kurse prioritet në planin e politikës së jashtme do t'i japë Afganistanit, Irakut, Pakistanit dhe Iranit, deklaroi Majer për "Zërin e Amerikës".

Majer vlerësoi se administrata e Obamës menjëherë do të angazhohet për zgjeidhje të konfliktit izraelito-palestinez, derisa Bllkani do të ketë rëndësi shumë më të vogël.

"Kjo nënkupton se politika ndaj Ballkanit do të jetë në sferën e byrokratëve të rangut të mesëm në Departamentin e Shtetit, ndërsa ata janë njerëzit, të cilët paraprakisht ishin pjesë e administratës demokratike. Ata njerëz do të udhëheqin politikën e njejtë si administrata e Klintonit, e cila të paktën në pikëpamjen e Ballkanit, nuk dallohej nga ajo e Bushit", thotë Majer.

Ai tha se administrata e re do të vazhdojë ta përkrahë pavarësinë e Kosovës dhe do të përqëndrohet në qëndrimet e njohura lidhur me Bosnjë e Hercegovinën dhe vendet e tjera të rajonit.