Nuk mbeten pas edhe institucionet e nivelit të lartë në planin e reduktimit të buxhetit të tyre. Duke i krahasuar me planin e mëparshëm, Kuvendit të Shqipërisë i preken më shumë fondet, kjo edhe për faktin e nivelit të lartë në shpenzimeve.

Kështu, institucioni i drejtuar nga Jozefina Topalli do të ketë në dispozicion rreth 68 milionë lekë më pak, kurse zyrës së Kryeministrisë i janë lënë në buxhet 32 milionë lekë mangët. Më të kursyer janë treguar Financat me buxhetin e Presidentit të Republikës, me rreth 26 milionë lekë më pak.

Megjithatë, Presidentit Bamir Topi i janë hequr nga shpenzimet për udhëtime afërsisht 5.5 milionë lekë (rreth 50 mijë dollarë).