E mërkurë, 12.12.2018
Impresum - Marketing - Arkiva - Kontakt

Yll Press

E sikurse ndodh shpesh në diskutime të tilla, është shtruar pyetja reciproke: kur do mund të ndodh vallë e njëjta gjë në një kryeqytet ku shumica e vendit është muslimane?
E kundërta e Londrës: Njihuni me kryebashkiakun kristian të një kryeqyteti musliman
Pas rastit të Sadik Khan, në Londër (e jo vetëm) është shtruar pyetja: “A do ndodh ndonjëherë rasti i anasjelltë, pra që njëkristian të qeverisë në një vend me shumicë Islame?” E vërtetaështë se ajo ka ndodhur prej 2014: Basuki Tjahaja Purnama, në Xhakarta, Indonezi, vendi ku jetojnë 1/6 e muslimanëve në botë.

Ka bërë lajm përgjatë këtyre ditëve zgjedhja e kryetarit të Londrës, Sadik Khan, musliman, i biri i një emigranti pakistanez.

Është diskutuar shumë rreth domethënies që për herë të parë, një musliman arrin të bëhet i pari i një kryeqyteti europian.

E sikurse ndodh shpesh në diskutime të tilla, është shtruar pyetja reciproke: kur do mund të ndodh vallë e njëjta gjë në një kryeqytet ku shumica e vendit është muslimane?

Në të vërtetë, ajo ka ndodhur dhe pse shumë pak dinë rreth saj. Në një vend jo pak të rëndësishëm të botës muslimane: Indonezi, vendin me popullsinë më të madhe muslimane, e cila me 250 milion banuesit e saj, është vendi i 1/6 së popullsisë muslimane në botë.

Nga nëntori i 2014, kryebashkiaku i Xhakartës është Basuki Tjahaja Purnama, një 50 vjeçar i minoritetit etnik kinez i cili i përket besimit kristian. Në fakt, Purnama është zgjedhur në 2012 si zëvendës kryetar i Joko Uidodo, guvernatorit të atëhershëm, presidentit të sotëm indonezian. Kur guvernatori Uidodo është zgjedhur në kryer të shtetit, kristiani Basuki Tjahaja Purnama ka zënë vendin e tij.

“Premtoj për angazhimin tim të plotë – ka thënë ditën e betimit të tij – në shërbim të popullsisë së Xhakartës dhe gjithë vendit, e Zoti më ndihmoftë në realizimin e saj”.

Edhe në Indonezi, nuk kanë munguar zërat kundër ndaj “kryebashkiakut kristian”: Basuki Tjahaja Purnama është sulmuar nga grupe të ndryshme për faktin se nuk është musliman. Si përfundim, duket se ka arritur më të mirën duke u zgjedhur dhe njëherë tjetër në Bashkinë e Pankasila, e cila ka dëshmuar me dekada ekuilibrin ndërmjet komuniteteve fetare në Indonezi.

Rasti i Basuki Tjahaja Purnama nuk është i pari në llojin e tij; përgjatë viteve 1964-1965, guvernatori i Xhakartës ka qenë i krishterë poashtu, artisti Henk Ngantung.

Publikuar: 13.05.2016 | 16:27
Lexuar: 625 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime