E premte, 19.09.2014
Impresum - Marketing - Arkiva - Kontakt

Yll Press

Sipas rezultateve preliminare të cilat të premtën i kumtoi Ministria e Arsimit dhe Shkencës, nota mesatare e dhënies së provimeve për të gjitha lëndët eksterne nga matura shtetërore në vitin 2010 është 2,96.
Maturantėt mund tė shohin rrezulltatet e maturės shtetėrore












Në të gjitha shkollat e mesme në Maqedoni dhe në ueb-faqen www.matura.gov.mk sot në mesditë janë publikuar rezultatet fillestare nga lëndët eksterne të maturës shtetërore të cilat maturantët i dhanë para një muaji. Nëse i kanë dhënë ato, dy lëndët interne dhe detyrën projektuese, ata do të mund të konkurrojnë në fakultetet në afatin e regjistrimit në gusht.

Nxënësit të cilët janë të pakënaqur nga rezultatet, nesër dhe pasnesër mund të dorëzojnë ankesa deri te komisionet shkollore të maturës, të cilët do t'i dërgojnë deri te Qendra shtetërore për provim, ndërsa ajo për një javë do të duhet të përgjigjet. Çmimi për ankesë këtë vit është 1.000 denarë, më pak për 400 denarë nga viti i kaluar. Rezultatet përfundimtare nga matura shtetërore 2010 në afatin e provimeve të qershorit do të publikohen më 23 korrik në shkolla dhe në ueb-faqen www.matura.gov.mk, ndërsa prej 25 korrik do të fillojë paraqitja për dhënie të maturës shtetërore në gusht.

Sipas rezultateve preliminare të cilat të premtën i kumtoi Ministria e Arsimit dhe Shkencës, nota mesatare e dhënies së provimeve për të gjitha lëndët eksterne nga matura shtetërore në vitin 2010 është 2,96. Vitin e kaluar nota mesatare ishte 3 para parashtrimit të ankesave, ndërsa pas tyre nota përfundimtare ishte 3,11. Sipas MASH-it, në krahasim me dy vitet e kaluara ka përmirësim të vogël në arritjen e nxënësve për lëndët gjuhë amtare dhe matematikë.

Sipas përqindjes mbledhëse për gjuhët amtare (shqip, maqedonisht dhe turqisht), nuk e kanë dhënë 839 maturantë ose 4,8 për qind, ndërsa me notë 5 e kanë dhënë 4,1 për qind nga të gjithë nxënësit. Pjesa më e madhe e nxënësve (42,5 për qind) gjuhë amtare e kanë dhënë me notë 3. Për këtë lëndë pragu (minimum pikë për dhënie të provimit) këtë vit është 40 në vend të vitit të kaluar 42, ndërsa pikët maksimale janë 100.

Sipas ministrit Nikolla Todorov, përmirësim ka tek rezultatet nga lëndët matematikë niveli themelor dhe matematikë nivel avancues. Përkundër 2,52 nga viti i kaluar, këtë vit është 2,64. Për nivelin avancues nota mesatare është 3,35 përkundër rezultatit të vitit të kaluar 2,88. Matematikë niveli themelor nuk e kanë dhënë 18,7 për qind, ndërsa matematikë avancuese 8,8.

"Rezultatet ende nuk janë në nivelin kënaqës dhe duhet të punojmë në përmirësimin e tyre, edhe pse të gjitha rezultatet rreth notës mesatare 3 janë në kuadër të mesatares së mesme evropiane dhe nuk duhet të presim rezultate prej 4 ose 5", tha Todorov në konferencën për shtyp më 9 korrik, kur u kumtuan rezultatet fillestare.

Tek gjuhët e huaja është shënuar rënie. Gjuhë angleze nuk e kanë dhënë 11,9 për qind, gjuhë gjermane 12,7 për qind, franceze 9,8 për qind dhe gjuhë ruse nuk e kanë dhënë 1,7 për qind e kandidatëve. Për matematikë dhe gjuhët e huaja këtë vit ka ndryshuar metologjia e zhvendosjes së pikëve dhe pragut të dhënies të provimit në 17 gjegjësisht në 19 pikë, por edhe numri maksimal i pikëve është më i ulët dhe në vend se 100 është 70.

Sipas ministrit, rezultatet më të dobëta tek gjuhët e huaja janë për shkak të kontrollit më të rreptë të nxënësve dhe pamundësia që ata të përshkruajnë. Kjo, siç tha, është meritë e 205, gjegjësisht 50 për qind mbikëqyrësve më shumë në procesin testues se sa vitin e kaluar. Ata të cilët kanë tentuar të përshkruajnë janë larguar nga provimi dhe ata nuk do të kenë të drejtë ankese.

Për lëndën estetikë kanë rënë 4 për qind e maturantëve, ndërsa testin për filozofi nuk e kanë dhënë 4,8 për qind kandidatë.

Maturantët të cilët nuk e kanë dhënë maturën shtetërore në qershor ose për shkaqe të arsyeshme e kanë lëshuar testimin ose ata të cilët në qershor nuk i kanë arritur terminet për shkak të provimit përmirësues, mund ta japin në afatin e gushtit nëse paraprakisht janë paraqitur për maturë shtetërore. Provimet eksterne në afatin e ardhshëm do të disponojnë më 14 dhe 16 gusht.

Todorov rekomandoi që për maturën shtetërore në gusht të paraqiten vetëm kandidatët të cilët do të jenë të përgatitur ose të paraqiten për maturë shkollore dhe provim përfundimtar, sepse do të duhet të presin deri në qershorin e ardhshëm të marrin certifikata për shkollë të kryer të mesme. Lehtësim plotësues ka për nxënësit të cilët e kanë dhënë gjuhën amtare, një lëndë interne dhe detyrën projektuese dhe ata munden drejtpërdrejtë ta marrin maturën shtetërore për maturë të dhënë shkollore ose provim përfundimtar.

Publikuar: 13.07.2010 | 21:20
Lexuar: 2095 herė
Printo PDF format Shto nė,..

Komentet
fitim (09/08/2010 04:31:18) tung pershendetje nga fitimi jam i interesum per rezulltatet e telekomit nese ka mundesi testi esht mbajtur me 30.07.2010

Ndalohet pėrdorimi i gjuhės denigruese dhe fjalėve ofenduese ndaj individėve dhe ndaj grupeve specifike, si dhe komentimet qė s`kanė tė bėjnė me temėn e artikullit. Moderatorėt mbajnė tė drejtėn e fshirjes sė komenteve qė thyejnė rregullat e komunikimit.
Emri:
Email adresa:
Komenti:





Developed by: Just5 Studio
Rss furnizime