Aktorja amerikane, Christina Hendricks, e bërë e famshme për rolin e Joan Hollowayt në serialin e njohur televiziv "Djemtë nga Madisoni", është shpallur “femra më seksi në botë”. Këtë çmim asaj ia dhuroi revista “Esquire”, ndërsa anketimi është zhvilluar në Shtetet e Bashkuara të Amerikës.

Christina pas vetes i ka lënë Megan Foxin dhe Zoe Saldanan, ndërsa nga përzgjedhja e pjesës së meshkujve u mësua se ata më afër zemrës i kanë femrat natyrale dhe pak të plota, se sa modelet e dobëta nga pistat e modës.

Ndihem dhe dukem si femër

Amerikania e mahnitshme vëmendjen e opinionit e tërhoqi para disa vitesh në rolin e avokates në serialin "Kevin Hill", ndërsa aktorja 35-vjeçare është bërë shumë shpejt e njohur sa e fitoi edhe versionin e saj të Barbiet.

Kundërshtimet në llogari të saj, ku sipas fjalëve të disave ajo vishet shumë provokative, si dhe fjalët “e këqija” për linjat dhe pamjen e saj fizike, Christina shumë shkurt i komenton: "Ndihem dhe dukem si femër dhe kurrë nuk i kam humbur kilogramët, dhe as që do të përpiqem që ta bëjë këtë. I dua". Dhe pikërisht për këtë e duan dhe pëlqejnë meshkujt dhe femrat në tërë SHBA-të.