E hënë, 10.12.2018
Impresum - Marketing - Arkiva - Kontakt

Yll Press

Shkëndija ka dëshmuar se din të bartet me rival të mëdhenj, se mund të luajë edhe në rezultat kur është nevoja, ndërsa fakti që mund të arrihet hyrja në grupet e Liga Evropës është motivi më i madh të cilin para vetes e kanë futbollistët.
Historia shkruhet sonte, me gjithë forcat për të mundur Gent-in
Shkëndija gjendet para një momenti historik, i pazakontë dhe i rrallë për kushte të Maqedonisë, pasi me sukses eventual kundër Gentit të Belgjikës, skuadra mund të shohë veten në grupet e Liga Evropës. Mbështetja nga publiku do të jetë kruciale, prandaj të enjten të gjithë të drejtohen në Shkup ku ëndëra mund të bëhet realitet.

Futbollistët ‘kuqezi’ në atmosferë pozitive dhe të relaksuar, por njëkohësisht maksimalisht serioze në aspekt profesional kanë zhvilluar seancën e fundit strvitore në stadiumin ‘Filipi i Dytë’, para ndeshjes më të rëndësishme në histori, ndeshjen e kthimit të play-offit të Liga Evropës.

Në stadiumin ku këtë sezon u dorëzuan emra të njohur si Krakovia, Neftchi dhe Mllada Boleslav, duke u mundur nga ‘kuqezinjtë’ gjithmonë pa gol të pranuar, do të kërkohet të bëhet hapi historik për të eliminuar Gentin e Belgjikës.

Shkëndija ka dëshmuar se din të bartet me rival të mëdhenj, se mund të luajë edhe në rezultat kur është nevoja, ndërsa fakti që mund të arrihet hyrja në grupet e Liga Evropës është motivi më i madh të cilin para vetes e kanë futbollistët.

Rezultati 2:1 nga ndeshjen e parë dhe vetë emri Gent, sigurisht se belgët vëndon në rolin e favoritit, mirëpo futbollistët ‘kuqezi’ janë të bindur për të dhënë gjithçka nga vetja në tentimin për tu bërë ekipi i parë nga Maqedonia që do të luajë në grupet e Liga Evropës.

Egzon Bejtullai dhe Besir Demiri kanë folur para takimit, ndërsa reflektojnë optimizmin dhe dëshirën e gjithë skuadrës për të bërë hapin historik në skenën evropiane.

Përballja Shkëndija-Genti luhet të enjten në stadiumin ‘Filipi i Dytë’ në Shkup, me fillim në orën 20:00.

Publikuar: 25.08.2016 | 12:24
Lexuar: 480 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime