E martë, 11.12.2018
Impresum - Marketing - Arkiva - Kontakt

Yll Press

Sipas llogaritjeve të Eurokomisionit, ky sistem i informimit dhe autorizimit të udhëtimeve në BE duhet të sjell afro dy miliardë euro fitim për Bashkimin Evropian.
Nga 10 deri 50 euro dhe paraqitje 72 orë më parë nëse doni të hyni në BE

Komisioni Evropian tani një kohë përgatit dhe deri në fund të vitit pritet të dorëzojë propozim për Sistem të informimit dhe autorizimit të udhëtimeve (ETIAS) të Bashkimit Evropian, me të cilin çdo qytetar që vjen nga vendi që nuk është anëtar i BE-së, mes të cilëve edhe qytetarë të Republikës së Maqedonisë nga janari i vitit të ardhshëm do të duhet të regjistrohen 72 orë para se të hyjnë në ndonjërë nga vendet anëtare.

Siç lajmëron korrespodenti i MIA-s nga Brukseli, bëhet fjalë për sistem sipas të cilit ata persona jashtë Unionit që mund pa viza të udhëtojnë në ndonjë vend-anëtar të Bashkimit Evropian, do të duhet të regjistrohen së paku 72 orë para hyrjes në Union me regjistrimin e të dhënave personale dhe vendin ku do të shkojnë dhe do të qëndrojnë në korniza të BE-së. Siç lajmëron "Euroaktiv" do të paguhet 10 euro dhe atë vetëm një herë dhe vlen për një numër më të madh të udhëtimeve në kuadër të Unionit. Me këtë sistem, gjithashtu pritet edhe përshpejtim i hyrjes së joshtetasve të BE-së gjatë kontrollit të pasaportës në vendkalimet kufitare dhe në aeroporte.

Një ide e tillë, sipas burimeve të BE-së, do të ketë disa efekte, ndërsa më së shumti ka për qëllim mundësimin e reciprocitetit ndaj qytetarëve të Shteteve të Bashkuara të Amerikës, duke e marrë parasysh se ky sistem me vite të tëra zbatohet për shtetasit e BE-së që udhëtojnë në SHBA pa viza.

Shkaku i dytë, megjithatë është aspekti i sigurisë, pasi me këtë sistem, shërbimet e vendeve të BE-së prej më parë mund t'i kenë të dhënat e atyre personave që kanë për qëllim të udhëtojnë në Union. Krahas kësaj, ETIAS-sistemi pritet ta zvogëlojë mundësinë e hyrjes masive të pakontrolluar në BE të shtetasve të Maqedonisë, Kosovës, Serbisë, Shqipërisë, Turqisë dhe vendeve tjera me të cilat BE-ja ka regjim pa viza.

Sipas llogaritjeve të Eurokomisionit, ky sistem i informimit dhe autorizimit të udhëtimeve në BE duhet të sjell afro dy miliardë euro fitim për Bashkimin Evropian. Këto të holla, sipas propozimit, do të përdoren për përmirësimin e sistemit të kontrollit të kufijve të BE-së dhe për përkujdesjen e refugjatëve.

Publikuar: 13.09.2016 | 18:06
Lexuar: 615 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime